Mamlakatimizda sportga qaratilayotgan katta e’tibor tufayli Respublika “Hunarmand” uyushmasi tizimida faoliyat olib borayotgan xodimlar ham turli musobaqalarda munosib ishtirok etib kelmoqdalar.
Bunday natijalarga erishishda esa xodimlar o‘rtasida sog‘lom raqobatga asoslangan, jamoviy turdagi sport bellashuvlarini muntazam o‘tkazilayotganligi muhim ahamiyat kasb etmoqda.
O‘zbekiston Respublikasi Prezidentining “Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari to‘g‘risida”gi
PQ-421-sonli qaroriga asosan
Respublika “Hunarmand” uyushmasi xodimlari o‘rtasida sportning futbol, basketbol hamda voleybol turlari bo‘yicha jamoaviy musobaqa o‘tkazildi.
Keskin va murosasiz o‘tgan bahslardan so‘ng g‘oliblikni qo‘lga kiritgan jamoalarga rais kubogi tantanali topshirildi.
